Mgogoro wa meli ya mafuta ya Iran: Gibraltar yakataa ombi la Marekani la kuizuia meli ya Iran

Gibraltar imepinga ombi la Marekani kuikamata tena meli ya mafuta ya Iran ambayo ilikuwa ikiizuia tangu mwezi Julai kwa kudhania kwamba ilikuwa ikisafirisha mafuta Syria.

Marekani iliwasilisha ombi la mwisho siku ya Ijumaa , siku moja baada ya Giraltar kuiachilia meli hiyo ya Grace 1.

Gibraltar imesema kwamba haikuweza kukubali ombi la Marekani kuikamata tena meli hiyo kwa kuwa vikwazo vya Marekani dhidi ya Iran havina nguvu Ulaya.

Meli hiyo tayari imeondoka Gibraltar kulingana na mjumbe wa Iran nchini Uingereza.

Tehran imesema kwamba iko tayari kuyapeleka majeshi yake kuisindikiza meli hiyo ambayo jina lalke lilibadilishwa kutoka Grace 1 hadi Adrian Drya 1.

Meli hiyo na wafanyakazi wake 29 kutoka India, Urusi, Latvia na Ufilipino ilikamatwa kupitia usaidizi wa wanamaji wa Uingereza tarehe 4 Julai baada ya serikali ya Gibraltar - eneo linalomilikiwa na Uingereza kusema kwamba ilikuwa ikielekea Syria hatua inayokiuka vikwazo vya Muungano wa Ulaya.

Hatua hiyo ilizua mgogoro wa kidiplomasia kati ya Uingereza na Iran , ambao umeendelea katika wiki za hivi karibuni huku Iran nayo ikiikamata meli iliokuwa ikipeperusha bendera ya Uingereza Stena Impero katika Ghuba.

Mamlaka ya Gibraltar iliiwachilia meli hiyo siku ya Alhamisi baada ya kupokea hakikisho kutoka Iran kwamba haitaipeleka mafuta yake nchini Syria.

Idara ya haki nchini Marekani baadaye ikawasilisha ombi mahakamani la kuizuilia meli hiyo kwa msingi kwamba ina uhusiano na jeshi la Iran ambalo imelitaja kuwa kundi la kigaidi.

Gibraltar , katika taarifa yake siku ya Jumapili ilisema kwamba haikuweza kukubali ombi hilo kwa kuwa jeshi hilo la Revolutionary Guard sio kundi la kigaidi kulingana na EU ambalo eneo hilo la Uingereza ni mshirika wake.

Pia ilisema kwamba vikwazo vya Marekani vya kuzuia uuzaji wa mafiuta wa Iran haviwezi kuidhinishwa na EU ikidai tofauti iliopo kati ya Marekani na EU kuhusu Iran.

Hakujakuwa na majibu yoyote kutoka kwa Washington.

Balozi wa Iran nchini Uingereza Hamid Baedinejad alituma ujumbe wa twitter siku ya Jumapili kwamba makundi mawili ya wahandisi wa Iran walikuwa wanaelekea Gibraltar na kusema kwamba meli hiyo inatarajiwa kuondoka usiku.

Stena Impero, ambayo ilikamatwa na jeshi la Revolutionary Guard tarehe 19 Julai bado ipo mikononi mwa Iran.

Uingereza imetangaza kwamba itajiunga na kundi la wanajeshi wa Marekani kulinda meli za biashara zinazosafiri kupitia mkondo wa Hormuz.

Meli iliokuwa ikipeperusha bendera ya Uingereza Stena Impero ilikamatwa na Iran tarehe 22 Julai

Hali ya wasiwasi kati ya Iran na mataifa ya magharibi inatokana na mpango wa kinyuklia wa Iran.

Mwaka uliopita, Washington ilijiondoa katika mkataba wa kinyuklia wa Iran wa 2015 ili kuzuia taifa hilo kutengeza silaha za kinyuklia huku kukiwa na wasiwasi kwamba Tehran ilikuwa inajaribu kuunda silaha za kinyuklia , kitu ambacho Iran imekana.

Tangu wakati huo , wasiwasi kati ya Marekani na Iran umeongezeka huku taifa hilo likiiongezea vikwazo Iran.

Uingereza na mataifa mengine ya Ulaya yamesema kwamba bado yanaheshimu mkataba huo.

Tetesi za soka Ulaya Jumatatu 19.08.2019: Dybala, Coutinho, Neymar, Llorente, Sanchez, Bailly, Can, Bakayoko

Mabingwa wa Ufaransa PSG wamefanya mazungumzo na Juventus kuhusu uhamisho wa dau la £73m kumsajili mshambuliaji wa Argentina mwenye umri wa miaka 25 Paulo Dybala. (Mail)

Kiungo wa kati wa Barcelona Philippe Coutinho amewasili nchini Ujerumani ili kukamilisha mkopo wake wa msimu huu kwa mabingwa wa ujerumani Bayern Munich. (Sun)

Paris St-Germain wamemtaka beki wa Real Madrid na Ufaransa Raphael Varane, 26, pamoja na mshambuliaji wa Brazil Vinicius Junior, 19, katika mpango wa kubadilishana wachezaji iwapo wanamuitaji mshambuliaji wa Brazil mwenye umri wa miaka 27 Neymar. (Telefoot - in French)

Barcelona inatumai kumrudisha Neymar Nou Camp , lakini kukiwa na kifungu cha kumnunua.. (Sport - in Spanish)

Aliyekuwa mshambuliaji wa Tottenham Fernando Llorente, 34, anakaribia kujiunga na klabu ya Itali Lazio. Inter Milan, Fiorentina na Napoli pia zina hamu ya kumsaini raia huyo wa Uhispania , ambaye kwa sasa hana klabu. (Corriere Dello Sport - in Italian)

Inter Milan wanataka kumtoa kwa mkopo mshambuliaji wa timu hiyo raia wa Chile Alexis Sanchez, 30, na pia wana hamu na mshambuliaji Llorente na kiungo wa kati wa Barcelona na raia wa Chile Arturo Vidal, 32. (Gazzetta dello Sport - in Italian)

Ajenti wa Sanchez yuko nchini Uingereza kuzungumzia mkopo wake kuelekea Inter Milan. (Sky Italy, via Sky Sports)

Sanchez alikua akifanya mazoezi na United siku ya Jumapili alfajiri.. (The Sun)

Inter Milan inajaribu kuafikia makubaliano ya kumnunua Sanchez lakini United imelazimika kumtoa kwa mkopo ili kutolipa mshahara wake wa £500,000 kwa wiki. (Mirror)

Manchester United wanatarajiwa kuanza mazungumzo ya kumuongezea kandarasi beki Eric Bailey mchezaji mwenye umri wa miaka 25 raia wa Ivory Coast . (Sun)

Paris St-Germain na Bayern Munich huenda zikawasilisha ombi kumnunua kiungo wa kati wa Ujerumani Emre Can, 25, baada ya kuambiwa na mkufunzi wake Maurizio Sarri anahitajiki Juventus. (Tuttosport, via Mail)

Paris St-Germain na Monaco zinafikiria kumpatia ofa kiungo wa kati wa Ufaransa Tiemoue Bakayoko, 25, kwa kuwa muda wake Chelsea unaonekana kwamba umekwisha.. (Daily Express)

Celtic imeipatia ofa Bordeaux kumnunua kiungo wa kati wa Ufaransa Olivier Ntcham . (20 Minutes via Daily Record)

Mkufunzi wa Newcastle Steve Bruce yuko tayari kumrudisha uwanjani mshambuliaji wa England Dwight Gayle, 28, haraka iwezekanavyo. (Newcastle Chronicle)

Tetesi za soka Ulaya Jumanne 31.07.2018: Willian, Courtois, Maguire, Rojo, Ramsey, Kante

Image caption Real Madrid wanasema hawamtaki mchezaji wa safu ya kati wa Chelsea Willian

Real Madrid haina mpango wa kumsajili mchezaji wa safu ya kati wa Chelsea Willian, mwenye umri wa miaka 29, na wanaemtaka tu ni mlinda lango wa Ubelgiji Thibaut Courtois, mwenye umri wa miaka 26, kutoka the Blues. (marca)

Image caption Mchezaji wa safu ya ulinzi Harry Maguire atasalia the Foxes katika msimu mpya

Mchezaji wa kimataifa wa Brazil Willian anasema ni mwenye ''furaha sana katika Chelsea na anafurahia kuishi London. (Globo Esporte, via Mirror)
Meneja wa Leicester Claude Puel amesisitizia tena imani yake kwamba mlinzi wa England Harry Maguire mwenye umri wa miaka 25 - anayechezea Manchester United - atasalia na the Foxes katika msimu mpya. (Sky Sports)
Maguire anatarajiwa kupewa donge nono katika mkataba wake mpya na Leicester na hivyo kuongezewa malipo yake ya wiki kutoka £50,000 hadi £95,000. (Mirror)

Image caption Liverpool wanasema wanajiamini kuwa watamchukua Mshambuliaji wa timu ya taifa ya Senegal Sadio Mane

Everton wako mstari wa mbele katika harakati za kusaini mkataba na Mchezaji wa safu ya mashambulizi wa Manchester United na Argentina Marcos Rojo, mwenye umri wa miaka 28 ambae aliambiwa anaweza kuondoka kama tahamani yake ya £30m itatimizwa. (Mirror)
Liverpool wanajiamini kuwa wao ndio watakao saini mkataba na mshambuliaji wa Senegal Sadio Mane, mwenye umri wa miaka 26, kwa mkataba wa muda mrefu mnamo wiki zijazo. (Mirror)
Wakati huo huo , mchezaji wa the Reds kutoka Ubelgiji Divock Origi, 23, anasakwa kwa deni na Besiktas pamoja na Fenerbahce.(Talksport)

Haki miliki ya picha Getty Images

Image caption The Blues wanaangalia uwezekano wa Kumnunua mchezaji wa kiungo cha kati wa Arsenal kutoka Wales -Aaron Ramsey

Chelsea wamekuwa na mazungumzo ya wazi na Inter Milan juu ya mchezaji wao wa safu ya kati , raia wa Uruguay Matias Vecino, mwenye umri wa miaka 26, na wakatoa £35.5m kwa Juventus ili wamchukue Muitaliano Mattia Caldara mwenye umri wa miaka anayecheza safu ya ulinzi katika timu ya taifa ya Italia. (London Evening Standard)
The Blues pia wanaangalia uwezekano wa Kumnunua mchezaji wa kiungo cha kati wa Arsenal kutoka Wales -Aaron Ramsey, mweney umri wa miaka 27 kwa £30m (Telegraph)

Haki miliki ya picha Getty Images

Image caption Meneja wa Chelsea Maurizio Sarri anasema lengo lake kuu ni kumpata mshambuliaji wa Buyern Munich Robert Lewandowski,

Lazio amembiwa na the Gunners kuwa lazima walipe £7m ikiwa wanataka kusaini mkatapa na mchezaji wa safu ya mashambulizi Muhispania Lucas Perez. (Talksport)
Newcastle wana nia ya kumchukua Nicolas Tagliafico wa Ajax na mchezaji wa kimataifa wa Argentina , lakini gharama ya £8m na madai ya mchezaji huyo wa safu ya nyuma kushoto mwenye umri wa miaka 23 huenda yakawa zaidi ya bajeti iliyopo ya meneja wa Magpies Rafael Benitez. (Newcastle Chronicle)

Image caption Leicester imesema itakubali malipo ya £18m kumnunua mshambuliaji kutoka Algeria Islam Slimani

Meneja wa Chelsea Maurizio Sarri amemtaja mchezaji wa Bayern Munich na mshambuliaji wa Poland Robert Lewandowski, mwenye umri wa miaka 29, kuwa ndiye mchezaji anayemlenga zaidi kumnunua (Star)
Brighton imekubali kumuuza mshambuliaji wa England Sam Baldock mwenye umri wa miaka 29- kwa Reading. (Argus)

Haki miliki ya picha Getty Images

Image caption Mourinho amewasihi wachezaji kama Paul Pogba, Romelu Lukaku na Jesse Lingard wapunguze mapumziko yao wawasaidie wachezaji kwenye timu zao wasio na uwezo

Leicester itakubali malipo ya £18m kumnunua mshambuliaji kutoka Algeria Islam Slimani, lakini hatma ya siku zijazo ya mchezaji huyo mwenye umri wa miaka 30 haijaamliwa mpaka mwishoni mwa Agosti wakati msimu wa uhamisho utakapomalizi (Leicester Mercury)
Meneja wa Paris St-Germain Thomas Tuchel amekataa kuingizwa kwenye taarifa za uvumi zinazokihusisha kilabu na uhamisho wa mchezaji wa Chelsea na ttimu ya Ufaransa wa safu ya kati N'Golo Kante, mwenye umri wa miaka 27. (Talksport)

Image caption Patrick Bamford anajiandaa kuhamia Leeds United

Meneja wa Manchester United Jose Mourinho amewatolea wito wachezaji kama vile Paul Pogba, Romelu Lukaku na Jesse Lingard, wote wakiwa na umri wa miaka 25, kupunguza mapumziko yao ili kuwasaidia wachezaji katika timu zao wenye uwezo mdogo ambao wameshindwa kufanikiwa kucheza mchezo wa kuridhisha katika kipindi cha kabla ya msimu (Times - subscription required)
Mchezaji wa England anayeichezea kikosi cha Middlesbrough cha vijana walio chini ya miaka 21 kwa sasa Patrick Bamford, mwenye umri wa miaka 24, yuko karibu kuhamia kwa mahasimu wao katika Ligi ya Championi Leeds United kwa gharama ya awali ya awali ya kanda ya £7m. (Guardian)
Wakati huo huo , Boro wamekataa pendekezo la Wolves ambao ni wageni katika Premier League ya kumchukua winga wao Adama Traore mwenye umri wa miaka 22 . (Express & Star)

Haki miliki ya picha Getty Images

Image caption Mlinzi wa Everton Matty Pennington (kulia) analengwa na Leeds kwa ajili ya msimu ujao

Mchezaji wa kiungo cha kati wa Morocco Younes Belhanda, anayeichezea Crystal Palace, amemua kuwa hatahamia England na kijana huyo mwenye umri wa miaka 28 anasisitiza kuwa anafurahia kuwa Galatasary Turkish. (Football.London)
Mchezaji wa safu ya kati wa Paris St-Germain Mfaransa Adrien Rabiot, mwenye umri wa miaka 23, anakaribia kusaini mkataba na Ligue 1 champions. (ESPN)
Mlinzi wa Everton Matty Pennington analengwa na Leeds - ambako alikuwa katika msimu uliopita kwa deni na Wigan pia wanamtaka Muingereza huyo mwenye umri wa miaka 23.. (Liverpool Echo)
Kocha wa zamani wa walinda lango Kevin Hitchcock ameteuliwa kufanya kazi hiyo hiyo katika timu ya Super Ligi ya India ya Chennaiyin FC -akijiunga na meneja wa zamani wa Aston Villa John Gregory. (Birmingham Mail

Mahakama Kenya yaagiza Miguna aachiliwe

Awali Bw Odinga alijaribu kumsaidia Bw Miguna kuondoka uwanja wa ndege bila mafanikio

Jaji wa mahakama kuu Roseline Aburili ameagiza wakili wa upande wa upinzani Miguna Miguna kuachiliwa kutoka kwa uwanja wa ndege wa kimataifa Jomo Kenyatta.

Miguna ameagizwa kutokea mahakamani kesho Jumatano sasa tatu saa za Afrika Mashariki.
Maamuzi ya mahakama 
 Bw Miguna Miguna alijaribu kurejea Kenya Jumatatu lakini akazuiwa kuingia baada yake kudaiwa kutowasilisha pasipoti ya Canada ambayo ilitumiwa kumsafirisha kwa nguvu hadi Canada.
Wakili huyo alisisitiza kwamba ni raia wa Kenya na hafai kuzuiwa kurejea.
Taarifa zinasema Bw Miguna, ambaye pasipoti yake ya Kenya ilitwaliwa na polisi kabla ya kuondolewa kwake Kenya mwezi jana, alikuwa ametakiwa kuwasilisha ombi la kupata visa ya kukaa Kenya kwa miezi sita kwa kutumia pasipoti hiyo yake ya Canada.
Alikataa jaribio hilo na badala yake kutoa kitambulisho chake cha taifa kuonesha kwamba yeye ni Mkenya na kutaka aruhusiwe kuingia.
Bw Miguna, aliyekuwa amewasili uwanja wa ndege wa kimataifa wa Jomo Kenyatta mwendo wa saa nane adhuhuri, alikesha kwenye uwanja huo.
Maafisa walijaribu kumsafirisha kutoka uwanja huo kwa kutumia ndege ya shirika la Emirates ambayo ilikuwa inaelekea Canada kupitia Dubai.
Wakili wa upinzani James Orengo, seneta ambaye majuzi alichaguliwa kuwa kiongozi wa upinzani Bunge la Seneti, ameambia Reuters kwamba maafisa wa polisi waliokuwa wamevalia mavazi ya kiraia ndio waliojaribu kumlazimisha Bw Miguna kupanda ndege hiyo iliyokuwa inaondoka.
Lakini wakili huyo alikataa kuingia ndani ya ndege hiyo na mtafaruku ukazuka.
Video iliyopeperushwa moja kwa moja na runinga ya kibinafsi ya Citizen ilimuonesha Bw Miguna akiwa kwenye lango la ndege akiwaambia wahudumu: "Siendi popote, hamuwezi kuniondoa kutoka kwa nchi yangu kwa nguvu."
Bw Orengo ameambia Reuters kwamba maafisa hao wa polisi baadaye walimuondoa mwanasiasa huyo kutoka kwenye ndege hiyo na kumzuilia kwa muda katika afisi za uhamiaji katika uwanja huo wa JKIA.
Baadaye asubuhi, walimhamishia kituo cha polisi cha uwanja huo na kuendelea kumzuilia.

Odinga kufika uwanja wa ndege

Bw Odinga alikuwa amefika uwanjani humo Jumatatu usiku kujaribu kutatua mzozo huo.
Kwa mujibu wa Bw Orengo, Bw Odinga alikuwa ametoa wito kwa serikali kumrejeshea Miguna pasipoti yake ya Kenya.
Taarifa iliyotolewa na Wizara ya Uhamiaji mapema Jumanne ilisema Bw Miguna alianza "kuzua fujo na kulalamika" uwanja wa ndege na kwamba alikuwa anataka kuruhusiwa kuingia Kenya bila kuidhinishwa na maafisa wa uhamiaji.
Mkurugenzi wa Idara ya Uhamiaji Joseph Munywoki kwenye taarifa alisema: "Badala ya kuonesha hati za kusafiria alizotumia kwenda Canada, Miguna alianza kuzua fujo na kulalamika akisema kwamba yeye ni Mkenya na anafaa kuruhusiwa kuingia Kenya bila kupitia kwa meza ya idara ya uhamiaji kama inavyotakiwa kwa abiria wote wanaowasili bila kujali uraia wao."
"Hatujamzuia kuingia Kenya, tunamtaka tu afuate utaratibu kama watu wengine wote," msemaji wa Wizara ya Mambo ya Ndani
Mwenda Njoka aliambia Reuters kwa njia ya simu.
Idara ya uhamiaji ya Kenya imekariri kuwa Miguna alipoteza uraia wa Kenya mwaka 1988 alipopewa uraia wa Canada wakati alipokuwa ni kinyume cha sheria kuwa na uraia wa nchi mbili nchini Kenya.
Kuzuiliwa kwa Bw Miguna kumejadiliwa pakubwa kwenye mitandao ya kijamii Kenya, baadhi wakiunga mkono hatua hiyo lakini wengine wakiwashut

Kukamatwa kwa Miguna mara ya kwanza

Bw Miguna alikamatwa na polisi kwa mchango wake katika kuapishwa kwa Bw Odinga kuwa "rais wa wananchi", hafla iliyofanyika uwanja wa Uhuru Park, Nairobi mnamo 30 Januari.
Bw Miguna, ambaye pia ni wakili, ndiye aliyetia saini hati ya kiapo ya Bw Odinga.
Serikali ilikuwa imeeleza hatua hiyo ya kiongozi huyo wa upinzani kuwa uhaini wa hali ya juu.
Bw Odinga anadai kwamba alimshinda Rais Uhuru Kenyatta katika uchaguzi mkuu wa 8 Agosti ambao matokeo yake yalifutiliwa mbali na Mahakama ya Juu kwa sababu ya kutokea kwa kasoro nyingi.
Mahakama iliamuru uchaguzi mpya ufanyike lakini Bw Odinga akasusia uchaguzi huo mnamo 26 Oktoba.

Wanahabari kushambuliwa

Polisi nchini Kenya wamejipata tena wakishutumiwa kwa kuwapiga na kuwajeruhi waandishi wa habari wakiwa kazini.
Polisi waliokuwa wamevalia mavazi ya kiraia waliwashambulia waandishi wa habari wa magazeti na televisheni na wapiga picha Jumatatu usiku walipokuwa wakifuatilia taarifa kuhusu kurejea Kenya kwa Bw Miguna.
Maafisa hao, ambao hawakufurahishwa na ufuatiliaji wa vyombo vya habari wa taarifa ya kurejea kwa mwanasiasa huyo waligeuza hasira zao kwa waandishi wa habari na kuwaumiza baadhi yao.
Mpigapicha wa televisheni ya NTV aliachwa akiwa na majeraha yaliyokuwa yanavuja damu huku kamera na vifaa vyake vya matangazo ya moja kwa moja vikiharibiwa na maafisa hao wa usalama.
Alikuwa akitangaza tukio hilo moja kwa moja alipovamiwa na polisi
Mwandishi wa habari wa kituo cha televisheni cha Citizen Steven Letoo pia alijeruhiwa na vifaa vyake vikachukuliwa.
Naye mwanahabari wa KTN News Sophia Wanuna alizabwa kofi na mmoja wa maafisa hao.
Bw Miguna, ambaye alishuhudia shambulio hilo alilalaani kitendo hicho cha polisi.

Ruka ujumbe wa Twitter wa @StevoLetoo

Mwisho wa ujumbe wa Twitter wa @StevoLetoo

"Wamefukuza vyombo vya habari kama sungura," alimwambia rubani wa ndege ya Emirates huku akikataa kuondoka na ndege yake.
"Wanawafukuza wanahabari."
Viongozi wamelaani leo shambulio hilo, huku mbunge wa Rarieda
Otiende Amolo akielezea kitendo hicho kama "cha kusikitisha".
Amevitolea wito vyombo vya habari kuchukua hatua za kisheria dhidi ya maafisa husika na makamanda wao.

De Gea awasaidia Manchester United kutoka sare na Sevilla Ligi ya Mabingwa Ulaya UEFA

Mlindalango wa Manchester United David de Gea alifanya kazi ya ziada kuzuia makombora ya wapinzani wao Sevilla Ligi ya Klabu Bingwa Ulaya mechi ya hatua ya 16 bora na kuwasaidia kutoka sare Jumatano.

Kipa huyo Mhispania aliwazuia Joaquin Correa na Steven N'Zonzi kufunga kwa ustadi mkubwa, na kisha akatumia mkono mmoja muda mfupi kabla ya mapumziko kuzuia mpira wa kichwa wa Luis Muriel.
United, waliokuwa wanacheza mechi yao ya kwanza ya muondoano Ligi ya Klabu Bingwa Ulaya katika kipindi cha miaka minne hawakushambulia sana.
Romelu Lukaku alipoteza nafasi nzuri zaidi kwao mpira wake ulipopaa juu ya lango mapema, kabla ya nguvu mpya Marcus Rashford kutupa mpira nje dakika za mwisho mwisho.
Paul Pogba alianza mechi kwenye benchi, lakini akaingizwa uwanjani dakika 17 kabla ya mechi kumalizika baada ya Ander Herrera kuumia.
Sevilla walimaliza mechi wakiwa wameshambulia goli mara 25 lakini mseto wa ustadi wa De Gea na makosa ya washambuliaji wao viliwazuia kuondoka na ushindi uwanja wao wa nyumbani.
Manchester United ndio watakaokuwa na furaha klabu hizo zinapojiandaa kukutana tena kwa mechi ya marudiano Old Trafford Jumanne, 13 Machi.
Vijana hao wa Jose Mourinho wameshinda mechi 15 kati ya 18 walizocheza nyumbani msimu huu.
Tano kati ya mechi saba za karibuni zaidi ambazo Manchester United wamecheza Ligi ya Klabu Bingwa Ulaya nchini Uhispania zimemalizika kwa sare tasa.
Mechi hiyo ya Jumatano ilikuwa yao ya tisa kati ya 11 za karibuni zaidi mashindano yote kwa United kutofungwa, na yao ya 23 mashindano yote msimu huu.
Nini kinafuata?
Manchester United wana mechi kubwa Ligi ya Premia watakapokuwa wenyeji wa Chelsea mnamo Jumapili 25 Februari (14:05 GMT).

Zari: Nimeachana na Diamond

Unaonekana uhusiano wa wapenzi maarufu Afrika Mashariki yaani msanii wa bongo fleva Diamond Platinumz na mfanya biashara wa Uganda Zari Hassan umefika ukingoni.

Zari Hassan ametangaza kuachana na mzazi mwenzake, Naseeb Abdul maarufu Diamond Platinumz baada ya kuwapo kwa tuhuma nyingi kuhusu mwanamuziki huyo kuwa na uhusiano wa kimapenzi na wanawake wengine.
Mashabiki wa Zari wamepokea habari hizo kwa mshangao na hisia tofauti wakituma ujumbe kwenye ukurasa wake.Diamond ni baba wa watoto wawili wa Zari ambaye ameoenakana kunyamaza kwa muda baada ya mpenziwe Diamond kukiri hadharani kudanganya katika uhusiano wao na kupata mtoto na mwanamitindo wa Tanzania Hamisa Mobetto.
Tangu hilo litokee mambo hayajakuwa shwari kati ya hao wawili.
Zari ametangaza uamuzi wa kuachana na Diamond kupitia ukurasa wake wa Instagram ambapo amesema baada ya tuhuma nyingi dhidi ya mpenzi wake kuwa na wanawake wengine kila mara ameamua kuulinda utu wake na kuachana naye.

Marekani: Tunasikitishwa na vitendo vya utekaji na ukatili Tanzania

Ubalozi wa Marekani Tanzania unataka uchunguzi baada ya kifo cha mjumbe wa upinzani

 Ubalozi wa Marekani Tanzania unataka uchunguzi huru kuhusu matukio ya matumuizi ya nguvu dhidi ya harakati za kisiasa za upinzani.

Hii ni baada ya kifo cha mjumbe wa chama cha upinzani CHADEMA, Daniel John tarehe 11 Februari, ambaye mwili wake ulipatikana katika fukwe za bahari ya hindi, jijini Dar es salaam, siku moja baada ya kutekwa ukiwa na majeraha ikiwemo shingo yake kunyongwa na watu ambao hadi saa hawajajulikana.
Marehemu anaripotiwa kutekwa pamoja na mwenzake, Reginald Mallya aliyenusurika na kupatikana akiwa hai akiwa na majeraha kadhaa sehemu za mkononi na kichwani.Mwenyekiti wa chama cha upinzani CHADEMA, akionesha picha ya marehemu Daniel John
Kwa mujibu wa taarifa iliyotolewa kwenye mtandao wa balozi wa Marekani, balozi wamesema "Tunatuma salamu zetu za rambirambi kwa familia na marafiki wa marehemu kwa msiba huu."
"Kuongezeka kwa makabiliano ya kihasama na vitendo vya kikatili ni jambo linalotutia wasiwasi na kutusikitisha sana."
Pamoja na hayo ubalozi umetaka "uchunguzi wenye uwazi ili kuwawajibisha wale wote wanaohusika na vitendo hivi vya kikatili kwa mujibu wa sheria za Tanzania."
Tukio hilo limefayika ikiwa ni juma la mwisho la kampeni za uchaguzi mdogo katika majimbo mawili nchini Tanzania ambayo yalipoteza wabunge wake kwa sababu mbalimbali ikiwemo ile ya wabunge wa upinzani kujiuzulu kwa kile walichokiita kuunga mkono jitihada za Rais Magufuli na serikali ya awamu ya tano.
Kwa upande wake, kamanda wa polisi wa mkoa wa kipolisi wa Kinondoni, Jumanne Murilo, amesema polisi waachwe wafanye uchunguzi kufuatia vitendo hivyo vya utekaji nyara.

                             Mbunge wa Singida Mashariki Tundu Lissu akiendelea na mazoezi ya viungo huko nchini Ubelgiji.

Kumekuwa na kinachoonekana kama muendelezo wa vitendo vya mashambulizi dhidi ya wanachama wa upinzani,hivi karibuni nchini Tanzania. Kikubwa kikiwa ni shambulio dhidi mnadhimu mkuu wa chama cha upinzani nchini Tanzania Chadema, Bw Tundu Lissu anayezidi kupata matibabu nchini Ubelgiji baada ya kupigwa risasi na watu wasiojulikana jijini Dodoma mwaka uliopita.

Tetesi za Soka Ulaya Jumanne 13.02.2018

Gareth Bale

 Ajenti wa mshambuljia wa Real Madrid Gareth Bale anasema mchezaji huo wa Wales anapenda klabu hiyo na hataki kukihama licha ya madai kuwa Manchester United watajaribu kumsaini msimu ujao. (Tuttosport, via Manchester Evening News)

Meneja wa Manchesetr United Jose Mourinho anatajari kuboresha safu yake ya ulinzi msimu ujao huku walinzi Chris Smalling, 28, na Phil Jones, 25, wakitarajiwa kuuzwa (Mirror)
Jurgen Klopp
 Matumaini ya Manchester United ya kumsaini kiungo wa kati raia wa Chile Arturo Vidal, kutoka Bayern Munich ni madogo, huku mchezaji huyo wa miaka 30 bado akitaka kuchezea klabu hiyo ya Ujerumani. (Sport1, via Mirror
Meneja wa Liverpool Jurgen Klopp ametilia shaka zaidi hatma ya Simon Mignolet huko Anfield akisema kuwa kipa huyo mbelgiji wa umri wa miaka 29, hatachaguliwa katika mechi ya Champions Ligi dhidi ya Porto siku ya Jumatano. (Guardian)
Michy Batshuayi
 Borussia Dortmund watajaribu kumsaini mshambuliajia wa Chelsea raia wa Ubelgiji Michy Batshuayi, 24, katika mkataba wa kudumu msimu huu. (Evening Standard)
Mlinzi wa Aston Villa John Terry, 37, atafanya uamuzi kuhusu siku za usoni mwezini ya msimu huu. (Telegraph)
John Terry
 Leeds United watafufua jitihada zao ya kumsaini mshambuliaji wa Capri raia wa Nigeria mwenye miaka 25 Jerry Mbakogu mwishoni mwa msimu. (Mail)
Kiungo wa kati wa Juventus na Bosnia Miralem Pjanic, 27, amefichua kuwa alikataa fursa ya kujiunga na Arsenal na Tottenham hapo awali.
Uhusiano katika ya mlinzi wa Tottenham Toby Alderweireld na meneja Mauricio Pochettino sio mzuri baada ya mbelgiji huyo kutojumuishwa katika kikosi cha Tottenham kilichoshiriki katika mechi ya ligi ya Champions League. (Evening Standard)
Sam Allardyce
 Meneja wa Everton Sam Allardyce atampa fursa zaidi ya kucheza mshambuliaji raia wa Uturuki wakati timu hiyo itakuwa imejishindia nafasi katika Premier League safety. (Liverpool Echo)
Meneja wa West Ham David Moyes amekana madai kuwa ataondoka klabu hiyo mwishoni mwa msimu. (Talksport)
Mliki wa Stoke Peter Peter Coates amemuambia meneja Paul Lambert kuwa wachezaji wa klabu hiyo wako sawa kabisa kukiweka katika Premier League. (Stoke Sentinel)

Je Trump atatorokea wapi iwapo kutatokea shambulio la kinyuklia?

Trump ana handaki ndani ya nyumba yake ya Mar-a-Lago estate - lakini halina uhusiano wowote na yeye kuwa rais

Kutoka rais Truman hadi kufikia kwa Trump, Marais wa Marekani wamekuwa na mahandaki ya kukwepa mashambulio ya kinyuklia. Hivyobasi ni nini kinachofanyika iwapo kuna tisho la kinyuklia.

Mara moja rais Trump atatoroshwa katika eneo lenye usalama, ana maeneo mengi ya kumficha .
Mojawapo lipo ndani ya ikuku ya Whitehouse, handaki lililojengwa miaka 1950.
Eneo jingine liko chini ya ardhi katika eneo la Blue Ridge Mountains huko Virginia.
Pia ana handaki jingine katika nyumba yake mjini Florida na jingine ambalo hutumiwa kuhifadhi mabomu katika uwanja wake wa kucheza gofu katika eneo la West Palm Beach.
Handaki hilo linadaiwa kuwa chini ya shimo la pili katika uwanja huoHabari ya kumlinda Trump ,iwapo kutakuwa na shambulio la bomu. inaonyesha vile Wamarekani wamekuwa walikijadili swala la kutokea kwa vita vya kinyuklia katika kipindi cha miongo kadhaa iliopita.
Kwa wengine , wazo la kuzuka kwa vita vya kinyuklia halipo katika mafikira yao. Wengine wanajiandaa.handaki la Greenbrier, ambalo lilikuwa likitumiwa Congress, sasa ni kivutio cha utalii
Hathivyo hakuna handaki linaloweza kuhimili shambulio la moja kwa moja. Iwapo rais ataipuka shambulio la kwanza atalazimika kupelekwa mahali ambapo atalazimika kuliongoza taifa, hata iwapo ulimwengu uliosalia upo katika vita.
Maafisa wa Marekani wamefanya maandalizi ya rais na kundi la maafisa wa ngazi za juu serikalini , kulingana na Robert Darling ,mwanamaji aliyehudumu kipindi cha Septemba kumi na moja katika handaki la Ikulu ya Whitehouse.
Ametaja ni akina nani walioruhusiwa kuingia ndani.
Kama alivyosema Darling. Ni watu wachache pekee walioruhusiwa kuingia katika handaki la rais .
Ujenzi wa nyumba na mahandaki aidha ya marais ama raia wa kawaida una sababu yake-unafanya kuwa rahisi kwa raia wa Marekani kuzungumzia kuhusu maswala ya Atomic ama ya kinyuklia na kufanya wasio fikiriwa vita vya kinyuklia dunia kufikiria.
Harry Truman alianzisha utawala wa kiraia wa ulinzi 1950.
Ujumbe wa jumla kutoka kwa serikali ni kwamba , kulingana na Christian Appy ,muhadhiri wa somo la historia katika chuo kikuu cha Massachussets mjini Amherst, ni kwamba vita vya kinyuklia sio lazima viangamize kila mtu.

product za kahama oil mill karibuni sana

Mugabe 'akataa wito wa kumtaka ajiuzulu'

Mugabe (wa pili kulia) akiwa kuzuizi cha nyumbani akisimama na mkuu wa majeshi Constantino Chiwenga (kulia) 
 Rais wa miaka mingi nchini Zimbabwe anaripotiwa kukataa kuandoka madarakana mara moja licha ya kuongezeka wito wa kumtaka ajiuzulu.
Mugabe, 93 aliwekwa chini ya kuzuizi cha nyumbani wakati jieshi lilichukua madaraka siku ya Jumatano kufuatia mvutano kuhusu ni nani atamrithi.
Hakuna taarifa rasmi iliyotolewa kuhusu mazungumzo yaliyofanywa Muganbe na ujumbe kutoka kanda hiyo pamoja na mapema.
Lakini taarifa zinasema kuwa amekataa kuondoka madarakani.
Kiongozi wa upinzani Morgan Tsvangirai alisema mapema kuwa kwa manufaa ya watu Mugabe anastahili kujiuzulu mara moja.
Robert Mugabe alikutana na mkuu wa majeshi aliyeongoza hatua dhidi yake
 Jeshi lilichukua hatua baada ya Rais Mugabe kumfuta makamu wa Rais Emmerson Mnangagwa, wiki iliyopiya, na kuashiria kuwa alimpendelea mke wake Grace Mugabe, kuchukua uongozi wa chama cha Zanu-PF na kuwa rais.
Taarifa zinasema kuwa Mugabe ambaye alikuwa madarakani tangu nchi hiyo ipate uhuru mwak 1980 anakataa kuondoka kwa hiari kabla ya uchaguzi mkuu unaotarajiwa kuandaliwa mwaka ujao.
Baadhi ya wadadisi wanasema kuwa Bw. Mugabe anaweza kujaribu kujihakikishia usalama na familia yake kabla ya kuondoka madarakani.
Maafisa wa Zanu PF mapema walikuwa wamesema kuwa Bw. Mugabe atasalia madarakani hadi ufanyika mkutano mkuu wa Chama mwezi Disemba wakati Bw. Mnangagwa atakiongoza chama na hatimaye kuwa raisBw Mugabe alikutana na maafisa katika ikulu ya Harare

Kampuni ya Uswisi yafungua kiwanda cha kemikali Tanzania

Balozi wa Switzerland nchini Tanzania Florence Tinguely Mattli 
 Kampuni kutoka nchini Uswisi imefungua kiwanda cha kemikali za ujenzi na zile zinazotumika katika magari.
Florence Tinguely Mattli ni balozi wa Uswisi nchini Tanzania, ameiambia BBC kuwa suala la uwekezaji ni hatua ya kujiamini kwanza na kutoona hasara.
Alipoulizwa kuhusiana na sera za uwekezaji nchini Tanzania kudaiwa kuwa si rafiki Bi.Mattli amesisitiza kuwa uzoefu wao kiviwanda na kuwekeza katika mataifa mbalimbali duniani itawasaidia kujua ni mambo gani ya kuzingatiwa katika uwekezaji wao Tanzania katika serikali ya awamu ya sasa.
Kiwanda hicho kinatarajiwa kutoa ajira zaidi ya elfu moja
 Waziri wa viwanda wa Tanzania Dr Charles Mwijage anasema kuwa dira ya mwaka 2025 ni kuhusiana na viwanja.
Meneja mkuu wa kiwanda hiki cha Kemikali cha Sika Tanzania Alfonso Paradinas anasema kiwanda chake kitazalisha kemikali hizo za ujenzi na kuongeza ubora wa majengo nchini humo.
Hata hivyo kwa upande wake Meneja wa kanda ya Sika ya Ulaya, Mashariki ya kati na Afrika Ivo Schaedler lengo lao ni kutumia soko la Tanzania na kuongeza ufanisi nchini humo,na kuongeza kuwa wana viwanda 17 ndani ya Afrika.

Tetemeko nchini Iran na Iraq ndilo baya zaidi mwaka 2017

Jitihada kubwa za uokoaji zinaendelea baada ya tetemeko kubwa kukumba eneo la mpaka wa Iran na Iraq na kuwaua zaidi ya watu 400 na kuwajeruhi zaidi ya 7,000.

Makundi ya uokoaji yanatafuta manusura waliokwamwa ndani ya vifusi vya majengo yaliyoporomoka.
Tetemeko hilo la ardhi ndilo baya zaidi kutokea duniani mwaka huu.
Watu wengine walioawa walikuwa kwenye mji ulio magharibu mwa Iran wa Sarpol-e-Zahab ulio umbali wa kilomita 15 kutoka mpaka na sehemu zingine za mkoa wa Kermanshah.
Hospitali kuu wa mkoa huo iliharibiwa vibaya na kusababisha ikubwe na matatizo ya kuwahudumia wagonjwa.
Mwanamke mmoja na mtoto waliondolewa kutoka kwa vifusi wakiwa hai kwenye mji huo, kwa mujibu wa vyombo vya habari nchini Iran.
Majengo mengi katika mji huo yanaonekana kuporomoka.
Huduma za maji na umeme zimekatwa katika miji mingine na baada ya majengo kuporomoka watu walilazimika kulala nje kwenye baridi.
Shirika moja la utoaji misaada lilisema kuwa watu 70,000 wanahitaji makao baada ya tetemeko hilo, na kuna ripoti kuwa maelfu ya watu huenda wakalala nje kwa usuku wa pili.
Maafisa nchini Iran wanasema kuwa watu 413 wameuawa nchi humo. Baadhi ya wanajeshi na walinzi wa mpaka ni kati ya wale waliouawa.
Nchini Iraq watu 9 waliuawa kwa mujibu wa msemaji wa shirika la msalaba mwekundu. Ofisi ya Umoja wa Mataifa nchini humo ilisema kuwa watu 500 walijeruhiwa huko na tetemeko hilo lilisikika huko Irbil, Sulaimaniya, Kirkuk, Basra na mji mku Baghdad.
Maporomoko yamefanya vigumu kwa waokoaji kufika maeneo ya vijijini na kuna hofu kuwa huenda bwawa lilo huko likapasuka baada ya kuharibiwa na tetemeko hilo. Watu wanaoishi karibu wametakiwa kuhama.

KAHAMA OIL MILLS LTD (KOM GROUP OF CAMPANY)

Waandamana kupinga ibada ya Waislamu barabarani Paris

Waislamu mjini Paris wakifanya ibada barabarani

Takriban wanasiasa 100 wa Ufaransa wameandamana katika barabara za makaazi ya Paris kupinga hatua ya Waislamu kufanya ibada ya maombi hadharani.

Wanasiasa hao waliokuwa wakiimba nyimbo ya taifa hilo waliwaondoa takriban wafuasi 200 wa dini ya Kiislamu waliokuwa wakiomba barabarani katika eneo la Clichy.
Maafisa wa polisi hatahivyo walifanikiwa kuyatawanya makundi hayo mawili.
Wakosoaji wanasema ni makosa kwa wafuasa hao wa dini kutumia eneo la umma ambalo linatumika na watu wa dini tofauti.
Waislamu hao hatahivyo wanasema hawana eneo jingine lolote la kutekeleza ibada yao kwa kuwa baraza la mji huo lilichukua chumba kimoja ambacho walikuwa wakitumia kufanyia ibada mnamo mwezi Machi.
Wanasiasa waliokuwa wakiandamana
 Ufaransa ina takriban Waislamu milioni tano ,huku wengi wakiwa magharibi mwa Ulaya.
''Maeneo ya umma hayawezi kuchukuliwa kwa njia hii'' , alisemaValérie Pécresse, rais wa baraza la kijimbo la Paris, ambaye aliongoza maandamano ya siku ya Ijumaa yaliofanywa na madiwani na wabunge kutoka chama cha mrengo wa katikati cha Republicans pamoja na vyama vya UDI.